Khloie's P.O.V.
"Bakit ba namamaga ang mata mo?" tanong sa akin ni Joyce habang naglalakad kami papunta sa room. Walang akong sinabihan tungkol sa nangyari.
Tinakpan ko naman ito ng concealer para hindi masyadong halata. Ang kaso ay si Joyce iyan. Ang bestfriend ko at kilalang kilala ako.
Pagka uwi ko kasi kahapon sa amin ay agad akong nagkulong sa kwarto ko. Binuhos ko roon ang luha ko. Nang dahil pa rin kay Sceven. Nang dahil pa rin sa nasaksihan ko.
Sobrang na apektuhan ako. Lalo na ang puso ko. Totoo ngang nahulog na ako sa kaniya. Bakit ba kasi napakatanga ko at lagi nalang ako ang naghahabol sa mga lalaking gusto ko. Bakit hindi ko ba kasi mabantayan ng maayos ang puso ko para hindi ito masaktan.
"Wala lang 'to," sagot ko sa kaniya. Ayaw ko naman na mamoblema pa siya dahil sa ak
