Nakabalik na siya ng Bukidnon dahil na rin sa pamimilit ng asawa kahit ayaw niyang humiwalay dito. Dito muna siya habang abala ang asawa sa mga inaayos nito bago sila magbabakasyon sa Iloilo.
"Anak, buti nakabalik ka na, mukha yatang nananaba ka sa Maynila."
Nginitian niya lamang ang ina. Nakaramdam din siya ng panananakit ng dibdib, sa gatas niya ito dahil nag-breastfeed siya bago umalis ng Batanes. Sisiguraduhin niyang matatapos agad ang misyon para masabi na sa ina ang ukol sa mga apo nito. Siguradong matutuwa ito.
"Nak," hinawakan ng babae ang mukha ni Kisay. "Parang may nabago sa'yo," napatingin ito sa dibdib niya bago lumungkot ang mukha. "Kung sana lang nabuhay pa ang mga apo ko, ang saya sana."
Nakaramdam siya ng sundot ng kunsensiya sa sinabing ito ng ina pero hindi pa panahon
