"Samahan na kita."
Lumingon si Bemery sa lalaking marahas na humila sa kaniyang braso. Hindi nga siya nagkamali sakaniyang sapantaha. Akmang iwawaksi sana niya ang kaniyang kamay nang mapansin niya ang benda sa binti nito at ang hirap sa paglalakad. Bigla ang pagsalakay ng pag-aaalala niya para rito at sandaling nakalimutan ang galit niya.
"Ano bang nangyari sa iyo?" Medyo pinataray niya ang kaniyang salita upang itago ang pag-alala niya.
"Halika na. Huwag ka ng magtanong." Kahit paika-ika ay malakas pa rin siya nitong nahila papalayo sa tent na iyon.
Hindi na lang siya nagprotesta dahil sa nakitang kondisyon nito.
"Ano ba kasing nagyari sa iyo?" Medyo naiinis na tanong ni Bemery nang hindi pa rin ito sumagot nang makalayo sila.
"Ikaw ano bang ginagawa mo rito? Ikaw lang ba mag-isa
