KABANATA 19
MABILIS ANG naging mga pangyayari, ang alam ni Marceline ay hinila niya sa isang halik ang kaibigan nang hindi pinag-iisipan mabuti bago iyon gawin, sumunod na mga segundo ay nasa sahig na ito at putok ang labi.
Hinila sa kwelyo para mapatayo at sinuntok nang malakas sa mukha. Pag-angat ni Marceline ng tingin, bumungad sa kaniya ang halos nagliliyab sa galit na mga mata ng salarin.
Walang iba kung hindi si Jackson.
Hindi pa sana matatapos ang galit ng lasing na si Jackson kay Byron kung hindi lang umawat si Edward, Kevin, at Shaun. Lalong nag-iinit ang ulo niya habang nakikitang nasa tabi ng lalaki na iyon si Marceline ngayon at nag-aalalang inaalalayan ito para makatayo.
"Tangina ka talaga, ngayon pa talagang may espesyal na okasyon sa club ko, pare!" Kamot-ulong saad ni
