IKA-81 NA YUGTO
Nakarinig muli si Chelsey ng doorbell, marahas siyang napabuga ng hangin sa pag-aakalang nagbalik muli ang ina nila Luigi, sa ugaling mayro’n iyon ay hindi na siya magtataka pa.
Inilapag niya ang kanyang cellphone sa mahabang sofa at sinilip kung sino ang nasa labas. Napakunot-noo siya nang makita ang Concierge sa labas ng pinto nila, binuksan niya ang pinto at tinanong kung ano ang kailangan nila.
“Good morning po, Madam Chelsey,” nakangiting bati nito sa kanya.
“Bert, may kailangan ka ba?” tanong niya rito. Kilala niya ang lalaki dahil ilang beses na rin itong kumakatok at nagtatanong kung may basura siya gustong itapon.
“Ahm, Madam may hihingin po sana akong pabor sa inyo,” nag-aalangang turan nito sa kanya.
“Ano iyon? Kung kaya ko naman, why not?” nakangiting tur
