IKA-30 KABANATA
“Come on, Chelsey! Kailangan muna nating maglibang!” yaya sa kanya ni Janice.
Nakarating na sila sa Subic at hindi pa man sila nakakapag-ayos ng mga gamit nila sa tinutuluyan nilang luxery suite ay inaaya na siya ni Janice na mag-swimming.
Nagkamot siya ng ulo. “Mas gugustuhin ko pang matulog kaysa ang magbabad sa arawan, Janice.”
“Huwag ka ngang killjoy! Kuya, hindi mo na naman ba pinapayagan itong si Chelsey na lumabas?” baling nito kay Luigi na abala sa paglilipat ng mga damit nila sa cabinet.
“Why would I do that? I asked her too but she declined it,” sagot nito.
“Hindi puwede sa akin iyan!” bulalas ni Janice at hinawakan siya sa balikat. “Kailangan nating mag-enjoy at hindi kita hahayaang mabulok lang dito sa loob ng hotel suite niyo!” sabi nito
