Kinagabihan ay hindi ako mapakali sa higaan ko.
Biling-baliktad ang ginagawa ko habang bumabalik sa isipan ko kung papaano ko sinubuan si Rusca kanina.
Mukhang ito yata ang trabaho ko bilang PA niya, tagasubo! Eh 'di wow!
Ngayon naman kung kailan ay dapat akong mamahinga nang maaga dahil maaga pa bukas ang unang schedule ng taping ni Rusca ay heto at hindi ako dinadalaw ng antok. Iyong mukha ni Rusca ang nakikita ko sa tuwing pipikit ako, hindi nakakantok iyon kundi nakakabuhay ng katawang lupa!
Sa sobrang inis ko ay bumalikwas ako ng bangon at tumalon-talon sa kama.
Hindi pa ako nagkasya at pinatugtog ko iyong usong dance craze at sinayaw ito.
Kailangan kong mapagod para makatulog na ako! Hindi nagtagal at focus na ako sa kakayugyog ng katawan ko. Wala akong pakialam kung nagkadaal
