Kinabukasan ay maaga akong gumising at agad na nagpunta sa silid nina Harlene.
Nagkasundo na kaming tatlo ni Jasmine kagabi sa text kung ano ang gagawin namin ngayong araw. Nahingi ko kasi kahapon iyong mga number nila kaya pagkagaling ko sa silid ni Rusca at bago natulog ay kinontak ko silang dalawa. Napagpasyahan ko na mag-focus muna sa trabahong pinunta ko rito kaysa amo ko!
Sa ibang lokasyon na iyong taping ngayong araw kaya maghahakot kami nina Jasmine at Harlene ng mga gamit na kakailanganin mamaya ni Rusca sa taping. Sa isang malaking van namin ito ikinarga habang iyong isang van naman ay ang gagamiting sasakyan ni Rusca.
Mabuti na lang talaga at hindi mausisa sina Harlene at Jasmine tungkol sa nangyari kung may napansin man sila sa pagitan namin ni Rusca. Siguro din ay normal na
