Nang sumunod na araw ay may sasakyang sumundo sa amin ni Rusca. Medyo nagulat pa ako dahil maliban sa mga nagpakilalang padala ng production ay may mga bodyguard pa kaming kasama.
Napaghalataan na masyadong VIP itong si Rusca. Naeengganyo tuloy akong sundin iyong suhestiyon ni Julienne na mag-browse sa internet nang tungkol sa kanya.
Parang gusto kong magsisi dahil lalo kong napatunayan kung gaano kalaki ang agwat ng katayuan namin sa buhay. Tinagurian siyang highest paying artist and endorser ng bansa nila. May mga project din siya with international production. Ilang sikat na mga brand ang naghahabol sa kanya upang i-endorse ang mga product ng mga ito. At hindi lang tungkol sa pagiging artista niya iyong lumabas sa pag-search ko ng pangalan niya kundi maging ang mga negosyo niya.
Nak
