NANLALAMIG at namamawis ang mga kamay ni Amaiah habang hinihintay niya si Miss Kelly na pumasok dito sa hotel suite na binayaran nito para sa kaniya. Ilang bote na rin ng alak ang naubos niya para maibsan ang kabang nararamdaman niya pero pakiramdam niya ay mas lalo lang siyang kinabahan.
Nasa kabilang suite naman si Miss Kelly kasama ang asawa nito. Pinuno niya ng hangin ang dibdib at pinilit pakalmahin ang sarili. Anumang sandali ay papasok na rito si Miss Kelly at sabihing siya na ang papalit sa puwesto nito at natatakot siya na pumalpak siya.
Kahapon pa umuwi ang asawa nito galing daw sa isang business trip. Ngayon tinaon ni Miss Kelly ang mga plano nila dahil bukod sa fertile siya ay isiniselebrar ng mga ito ang 1st year anniversary raw ng mga ito. Hindi niya alam kung ano ang exac
