Nakangiting naglalakad palabas ng mall si Cara para bumili ng tuhog - tuhog sa tabi. Alas kuwatro na ng hapon. Nasawa na kasi siya sa mga kinakain niya sa loob ng mall kaya naisip niyang bumili ng kwek- kwek at fishball sa labas ng mall. Kaunting lakad lang kasi paglabas ng mall, maraming nagtitinda doon.
"Kuya dalawang kwek- kwek nga po. Iyong penoy tapos fishball. Painit po," nakangiting sabi ni Cara habang napapalunok ng laway.
Kumuha siya ng isang daan sa kaniyang wallet habang naghihintay matapos initin ang kaniyang pagkain. Binayaran na rin niya kaagad ito at hindi na humingi pa ng sukli. Hindi pa man siya nakakakain, biglang sumulpot sa kanyang harapan si Karen.
Naningkit ang mga mata ni Cara nang makita si Karen. Biglang bumulusok ang galit sa kanyang sarili lalo pa't magkaayos
