Mayann
Iginala ko ang buong paningin sa loob ng bahay niya. Maliit lang itong bahay niya pero kompleto sa kagamitan at napakasinop niya sa paglilinis. Para bang kahit paraan ko pa ng palad ang ibabaw ng mesa ay wala man lang alikabok sa sobrang kinang nito.
Kung sa labas mo pagmamasdan itong bahay niya ay masasabi mong hindi ganito kaganda sa loob. Simpling bahay lang kasi ito at malayo sa mga kapitbahay. Nag-iisang nakabukod itong bahay niya. Maraming puno sa paligid. Ang bakod naman ay gawa lang sa kawayan.
"Maganda ang bahay mo." Puri ko. Nilingon ko siya na kanina pa nakatayo at nakahalukipkip.
Tinanguan niya lang ako. Pagkagising ko kanina ay agad akong sinabihan ni Uncle na si Hunter ang makakasama sa akin sa pamamasyal dahil may biglaan silang lakad ni Auntie at sinama nila s
