Camila's POV
"PAANO kung awayin ako ng Mamita mo?" kinabahang tanong niya kay Percy na nasa driver seat. Relax na relax lang ito ang guwapo-guwapo sa suot na itim na button down polo na nakatupi hanggang siko ang manggas. May diamond earing pa sa tainga. Naka pomada ang buhok paitaas kaya ang linis-linis nitong tignan. Ang bango-bango rin...
Dapat kasi nagkulong na lang sila sa kuwarto nito gaya ng madalas nilang gawin.
"She won't..."
"Paano ka nakakasiguro?"
"I already talked to her, and she said it's okay. She'll do nothing, bella. In fact, she's excited to meet her grandchild."
Napabuntong-hininga siya. Wala talaga siyang tiwala sa Lola ni Percy sa true lang. Paano siyang maniniwala na gusto nitong makilala ang apo nito sa tuhod e, ni hindi nga nito naisip kilalanin ang anak niy
