“Lovella, tama ang bayaw mo. Hindi nga naman magandang tingnan kung pati ikaw ay makikitira rin sa kanila. Makakaabala na nga ang pagtira ko roon tapos dadagdag ka pa… hayaan mo na lamang ako na–”
“Gano’n mo na lang ba ako basta itatapon, Mommy? Porke ba si Lorebel ang nakapag-asawa ng mayaman, siya na ang mas mahalagang anak para sa’yo, gano’n? Ako naman talaga ang asawa dapat ni Asher, eh! Ako ang mahal niya pero nilandi lang siya ng haliparot na Lorebel na iyan! Mula pagkabata, malaki na ang inggit niya sa akin kaya lahat ng mayroon ako, gusto niya kaniya rin!” naluluha sa galit na sumbat ni Lovella.
Ako naman ngayon ang napamaang at hindi makapaniwala sa mga ibinibintang niya. “Hindi totoo iyan! Kung mayroon man akong kinaiinggitan sa iyo, iyon ay ang atensyon at pagmamahal ng mga ma
