Pagkatapos kong mag-shower ay lumabas ako na nakasuot ng roba. Mabuti na lang at maliban sa tuwalya ay may roba din. Iba pala talaga kapag ganitong mga sosyal na hotel. Kumpleto sa lahat ng amenities.
“Maiwan na kita, Lorebel. Dumito ka na lang muna at hahanapin ko ulit ang asawa mo para ipaalam na nandito ka. O kaya ay puwede mo rin siyang tawagan,” paalam sa akin ni Kristan.
“Ha? Sige, kaya lang nasaan pala ang bag ko? Nandoon kasi ang phone ko, eh,” tanong ko at iginala pa ang mga mata sa paligid.
“Oh, f**k! Babalikan ko sa inupuan mo kanina. Magpahinga ka na muna,” sabi niya at lumabas na ng silid. Dahil sa sobrang pagkahilo ay nahiga na ako sa kama kahit basa pa ang buhok ko. Talagang mabigat na ang mga talukap ko at gusto ko nang matulog.
Ngunit hindi pa man ako ganap na nakakahi
