Umaga pa lang ng Biyernes ay dumating na ang gown na isusuot ko para sa party. At mismong si Mommy Ashnea pa ang naghatid kaya naririto sila ngayon ni Daddy Marcus para sa breakfast.
“Hija, kumusta ang honeymoon? Pasensiya na kung napilitan na kayong umuwi kaagad, ha? Hindi naman kasi puwedeng wala tayo sa anniversary ng Martel. Matampuhin pa naman si Stan,” natatawang hinging-paumanhin niya.
Ngumiti naman agad ako sa kaniya at umiling. “Naku, Mommy, wala po iyon. Masaya nga po ako na makakasama na ako sa mga family event ninyo. Kahit na… ayaw pang ipaalam ni Asher sa iba na ako ang asawa niya,” bantulot na pag-amin ko. Hindi ko na itinago ang lungkot ko dahil palagay naman ang loob ko sa Mommy ni Asher.
“Lorebel, mukha lang masungit at mahirap pakisamahan ang anak ko. Pero sigurado ako
