Back to Present Time…
Si Ate Alma ang kumuha ng mga pinagkainan namin ni Asher kanina. Pagkatapos ay nag-toothbrush ako at mabilisang nag-shower. Hindi maubos-ubos ang mga ngiti sa labi ko, at napapakanta pa nga ako sa sobrang saya.
“Nasaan na ba ang lalaking iyon? Ano iyon, biglang nahiya dahil lang sa pag-amin niya?” parang timang na usal ko sa sarili.
Paglabas ko ng banyo ay ang nag-aalalang mukha ni Ate Alma ang sumalubong sa akin. Kaya naman napuno ng pagtataka ang sistema ko.
“Ma’am…” tila kinakabahang sambit nito sa pangalan ko. Kaya kumunot naman lalo ang noo ko.
“Bakit po, Ate? May problema po ba?” tanong ko.
“May dumating po kasing bisita. Ngayon, galit na galit si Sir at ayaw patuluyin pero mukhang makulit,” pagbibigay-alam niya sa akin.
“Bisita? Sinong bisita naman iyan?
