CHAPTER NINETY-FIVE
MAHIGPIT NA yakap ang binigay kay Alani ng kanyang mga anak pagdating nila ng mansyon. Kasama ng mga ito ang mga Lolo Apollo at Lola Carol na walang sawang nagbabantay sa mga ito. Sabik na sabik ang kanilang triplets sa kanilang mag-asawa. Binuhat niya si Gail samantalang si Kiel at Kyan naman ay nagpabuhat sa ama ng mga ito.
Pinugpog siya ng halik ni Gail sa mukha.
"Hindi ka na aalis ulit Mama?" tanong ni Gail sa kanya.
"Hindi na dahil simula ngayon ay pangako ni Papa sa atin na palagi na tayong magkakasama. Wala ng lalayo dahil kahit anumang hirap ng sitwasyon dapat ay magkakasama tayo," nakangiti niyang sagot kay Gail habang nakatingin sa asawa.
"Yeheyy!" sigaw nitong tuwang-tuwa.
Ibinaba ni Ezekiel si Kiel at kinuha sa kanya si Gail.
"Baka hindi tumangkad s
