NAPAANGAT ang kilay ni Alani nang makita niya si Katherine na kasama ang asawang si Ezekiel sa hotel ni Mr. Chan. Natigilan ang asawa nang makita siya. Mabilis nitong binitawan ang kamay ni Katherine pero hindi pumayag si Katherine. Humigpit pa lalo ang pagkakahawak nito.
Bihis na bihis siya dahil mag-aapply siya ng trabaho sa hotel na pagmamay-ari ng mga ito. Bago pa man siya pumunta sa hotel ay tinawagan niya na si Mr. Chan upang sabihin ang kanyang pakay. Tulad ng inaasahan ay nagmamadali pa itong papuntahin siya.
Sabay pa silang napataas ng kilay ni Katherine. Ang paghaharap ng legal na asawa at ng babaeng feeling asawa.
"Higpitan mo ang hawak at baka makawala," wika niya kay Katherine. Napatingin siya kay Ezekiel. Kunwari ay nagulat ito sa kanilang pagkikita pero ang totoo ay nakap
