CHAPTER 47
Issue
Break time at agad na hinatak ni Cassandra palabas si Nydia. Nagtaka pa noong una si Nydia at hindi man lang niya nailagay sa pen capsule niya ang ginamit niyang ballpen dahil sa biglaan na paghatak sa kanya ng kaibigan na para bang nagmamadali.
“Saan tayo pupunta?” pagtatanong niya habang hatak-hatak pa rin siya ni Cassandra. Para bang nawala ang lahat ng iniisip niya dahil sa ginawa ng kanyang kaibigan.
“Uh, bibili ng pagkain?” pagtatanong na sagot ni Cassandra dahil ayaw niyang mahalata ni Nydia na sabik na sabik siyang malaman kung ano man ang nangyari sa araw na nasa bahay sila nina Madelyn.
“Nagmamadali ka? May pupuntahan ka?” takang tanong ni Nydia sa kanyang kaibigan. Nagtataka rin siya kung bakit hindi man lang siya nagpaalam sa kanyang mga kaibigan lalo na
