MACKENZIE'S POV:
MAINGAT akong lumabas ng silid nang makaidlip na si Nolan. Mabuti na lang at napatulog ko rin ito. Nag-aabang naman sa akin sa sala si Athena na kaagad tumayo nang masulyapan akong pababa ng hagdanan. Yumuko pa ito at bumati na tinanguhan ko.
“Handa na po ang gagamitin nating motor, queen.” Wika nito habang palabas kaming dalawa ng headquarters.
“Si Drugo, alam ba niya?” tanong ko dito na umiling.
“Hindi po, queen.”
“Good.” Tugon ko na nagsuot na ng helmet at sumampa sa black ducati ko.
Sumunod naman ito na sumakay din sa isa pang ducati at nagsuot ng helmet. Pinagbuksan kami ng gate ng mga tauhan ko habang nakayuko silang dinaanan namin. Hindi kasi alam ni Nolan ang plano ko. At tiyak na susunod siya kapag nalaman niyang susugod ako sa grupo ni Miguel.
Mabilis ka
