Chapter 40:Marry Me
“Nasaan ka na?”
Luminga-linga ako nang makalabas ako mula sa exit ng airport. Kabababa lang namin galing sa Japan dahil doon na naman kami galing. Kanina ay napag-usapan namin ni Cosmo na magkita matapos ang flight ko. Sinabi ko na rin kina Yassy na hindi ako makasasabay sa service dahil may susundo sa akin.
Natawa ako sa tuwing maaalala ko ang reaksyon ni Yassy nang makita ang posts ni Cosmo. Talagang kinompronta niya pa ako kanina dahil doon.
“Hoy, Aubriana Peyton Cuarez! Magpaliwanag ka sa akin ngayon din!”
“Ha?”
Natawa ako nang makita ko si Yassy na lukot na lukot ang mukha. Nasa magkabilang baywang niya ang dalawang kamay niya, hawak ng isang kamay niya iyong phone niya. Mas lalo lang akong natatawa dahil nanlalaki pa ang butas ng ilong niya. Para niya akong
