Chapter 26
-------SANTA'S FLASHBACK------
Hinabol ni Sabel si Marlon na napaupo sa labas ng bahay ni Aling Selda habang umiiyak. Nakaramdam ng awa ang babae pero hindi rin naman maalis na matuwa dahil nakamit din ng kapatid ang hustisya sa sinapit sa ama nito.
“Marlon” Tinabihan nito ang lalake na patuloy na umiiyak habang nakasalampak sa sahig ng kalsada.
“Bakit Sabel? Bakit kailangan umabot sa pangungulam? Hindi pa ba sapat na nakulong si itay? Tanggap naman niya na mabubulok na siya doon at baka doon na mamatay” Pinunasan nito ang mukha. Napahinga naman ng malalim ang babae.
“Ako na ang humihingi ng tawad kung kung anuman ang nagawa ng kapatid ko pero sa ay malaman mo na nagawa lamang niya ‘yun dahil hanggang ngayon ay hindi pa rin siya kuntento kahit nakulong na ang mga gumawa ng
