Isang mabigat na hininga ang pinakawalan ko bago pinindot ang doorbell ng malaking gate sa bahay ng aking ama.
Ngayong wala na akong mapatutunguhan ay kakalimutan ko ang pinanindigan ko at kakapit na lamang sa patalim. Kung ito man ang magiging paraan para madugtungan ko ang buhay ng anak ko ay gagawin ko, kahit nasa huli ay maaari kong ikapapahamak.
Wala akong tiwala sa ama ko. Kahit na gawin ko ang lahat ng gusto niya, kung sa huli'y magkakabukingan ay alam kong malalambitin akong mag-isa at 'di matutulungan niya.
Makasarili ang isang Anecito. Si Annika lang ang nakikita niyang anak dahil para sa kanya, isa lamang akong pagkakamali ng kanyang nakaraan.
Ilang minuto akong naghintay hanggang sa bumukas ang maliit na gate at sinalubong ako ng isang naka-unipormeng katulong.
Nakang
