KABANATA 13
“Ano ang tingin mo kay Mark?”
Napakurap-kurap ako sa harap ni Raine sa tanong niya na iyon. Hinintay kong magsabi siya na biro lamang, ngunit talagang seryoso ang kaniyang mukha habang nag-aabang ng sasabihin ko. Napakunot ang noo ko at hindi ko mawari kung bakit napatanong siya tungkol kay Mark at kung ano raw ang tingin ko rito. Bakit kaya?
“A-Anong tingin?” wala sa sarili na tanong ko pabalik. “U-Uh… kaibigan?”
Ngayon ay siya naman ang napakurap sa harap ko. Kinabahan ako kung mali ba ang nasabi ko dahil matagal siyang walang sinasabi. Mali ba na kaibigan ang sinabi ko? Pero hindi ba at sabi nila –
“Kaibigan lang?” aniya kung kaya ay muling natutok ang atensiyon ko sa kaniya.
“H-Hindi ba dapat?” naguguluhan kong tanong.
Umiwas siya bigla ng tingin habang nakatakip ang
