Agad na iniwas ni Sab ang mukha niya. Umayos naman ng pagkakaupo si Zach. Lihim na napangiti ang nurse na noo'y pasimpleng nakamasid sa kanila. Bigla kasing nagkailangan ang dalawa. Ang cute nilang tingnan. Bagay na bagay silang dalawa.
Matapos masuri ang mga sugat ni Sab. Agad siyang dinala sa isang silid na ipina-reserve ng lolo ni Zach para sa kanya. Hindi maiwasang mapakunot ang noo ng dalaga sa ganda ng silid. Kung tutuusin isa na itong maliit na bahay para sa kanya. Kumpleto kasi ito sa gamit. May malaking flat screen TV na nakasabit sa dingding. May personal refrigerator. May mahabang sofa para sa mga bisita. At may dining table rin. Mas kumpleto pa nga ito ng gamit kaysa sa bahay nila.
"Ang gara naman nito. Kahit sa ordinaryong silid lang pwede na ako," aniya nang humarap kay Zac
