Nangingiti pa si Zach habang nakabuntot sa teacher na noo’y proud na proud habang naglalakad papasok sa gate, hawak ang Teddy bear at box ng chocolate. Napakunot ang guard nang makitang hawak ng guro ang regalo na para kay Sab.
Tiningnan niya si Zach na tila nagtatanong ang mga mata. Ngumiti ito sabay bulong sa kanya. “Si Ma’am na lang daw ang magbibigay kay Sab.”
Napaawang ang mga labi ng gwardiya. Hindi kasi siya kumbinsido sa sinabi ni Zach. Ang laki kasi ng pagkakangiti ng guro na para ba’ng tuwang-tuwa sa natanggap.
“Sir, sigurado ka riyan, ha? Baka akala ni Ma’am sa kanya ‘yon?” bulong ng guard.
Tinapik niya sa balikat ang gwardiya. “Ako ang bahala,” nakangiting sabi niya.
Dumiretso sa faculty room ang guro habang si Zach naman ay tumuloy na sa classroom. Naupo siya sa bandang u
