Masama ang mukha ni Sab nang bumalik sa pwesto niya. Kinuha niya lang ang bag niya na nakapatong sa mesa atsaka siya dumiretso kay John na noo'y kakwentuhan nina Paul at Jake sa bilog na mesa.
"Sir, mauuna na po ako."
"Sab, ano'ng nangyari? May problema ba?" ani John na noo'y napatayo pa sa kinauupuan at lumapit sa kanya.
"Wala po, Sir. May gagawin pa po kasi ako sa bahay."
Tumingin sa suot na relo si John. Maaga pa, ah. Hindi ba pwedeng i-delay 'yon?" nakangiting tanong ni John.
Ngumiti ang dalaga. "Pasensiya na po, Sir."
"Ihahatid ko na siya," ani Zach na noo'y biglang sumulpot sa likuran niya.
Masama ang tinging ipinukol niya kay Zach.
"Hindi na. Kaya ko namang umuwing mag-isa," aniya.
Ngumisi si Zach. " Kaya nga ako sasabay sa'yo, eh. Kasi ako, hindi ko kayang umuwing mag-isa,
