ISANG nilalang ang nasa madilim na kwarto. Binuksan niya ang ilaw na may malamlam na liwanag. Naglakad siya at huminto sa harapan ng isang aparador. Binuksan niya iyon at may inilabas na malaking kahon. Dinala niya iyon sa ibabaw ng kaniyang malambot at malaking kama. Tumambad sa kaniya ang isang wedding gown na matagal na niyang tinatago. Inilabas niya iyon at isinuot. Nagsuot siya ng high-heeled shoes.
Pagkatapos niyon ay naglagay siya ng make-up sa kaniyang mukha at nagsuot ng belo. Tumayo siya ng matuwid at nagkunwaring may hawak na bulaklak. Iniisip niya na nasa gitna siya ng aisle ng simbahan at nasa unahan niya ang lalaking kaniyang papakasalan—walang iba kundi si Benedict Valencia.
In-imagine niya na pumapailanlang na ang tugtog para sa wedding march. Marahan siyang naglaka
