Medyo madilim na sa labas pagkagising ko. Kinusot-kusot ko pa ang aking mata. Tela ayaw ko nang lumabas at kumilos, gusto ko na lang mahiga buong gabi. Pero hindi pwede, kung ayaw kong magutom.
Pinilit kong bumangon, kahit tinatamad. Mabinigat ang hakbang ng aking dalawang paa palabas ng boarding house. Sumuot ako ng hoddie jacket, slider na kulay itim. Bumaba ako ng second floor at lumabas ng gate. Kung ano lang ang makita kong pagkain sa labas at kasya sa pera ko, iyon na lang ang bibilhin ko.
Lumabas ako ng main gate. Sumalubong sa akin ang mga tambay na kalalakihan sa gilid ng Rosas de Papel Street. Nag-iinuman habang naghahalakhakan, para bang nasa paligsahan silang lahat ng palakasan ng kanilang mga halakhak.
Lumiko ako sa kabilang street. May daan naman doon papunta sa tindaha
