Nagpaalam na rin si Ally rito at tinapos na ang tawag. Lagot na. Mukhang mas mahihirapan sila ngayong hanapin sina Ghia at Gino dahil hindi alam nina Tito Gener ang ginawa ng magaling niyang kaibigan.
"Pa'no na 'to?" Nanlulumong napasandal siya sa kanyang silya.
Pumasok naman si Ninny dala ang order niyang lechon manok. May pagbubuntunan na siya ng frustration.
"HI, WE meet again. Ang saya." Pilit pinasigla ni Ally ang boses kahit na ang totoo ay medyo tensiyonado siya.
Umupo si Gael sa bakanteng silya sa harap niya. Nakipag-meet siya rito sa isang coffee shop. Pumayag naman agad si Gael.
"I don't sense good news," sabi naman nito.
"Dederetsuhin na kita. Mukhang mahihirapan tayong mahanap sila. Hindi alam nina Tito at Tita na umalis si Gino. Hindi rin daw siya tumatawg sa kanila. Muk
