Lumapit sa'kin si Theo kaya napaatras ako habang kinakabahan. Napangiti naman siya dahil sa reaksyon ko.
Nakita ko si Ate Jennifer na nakatingin sa'kin at para bang nagtataka kung bakit ako umaatras. Baka isipin nila na may koneksyon kami ni Theo kaya naman huminto ako sa pag-atras at huminga nang malalim at hinarap siya.
Nang medyo malapit na siya sa'kin ay tiningnan niya ako sa mga mata.
"What is your full name?" tanong ni Theo.
"A-arabelle Reyes po Sir," nakayukong sagot ko dahil hindi ko siya kayang tingnan sa mga mata.
"Hmm, Arabelle, what a good name," Theo said. Napapikit lang ako habang nakayuko.
"May I talk to you Arabelle?" he asked. Napatingin naman ako sa kaniya.
"We're already talking na po," inosenteng sabi ko.
"In my office. Let's talk in my office," sabi ni Theo at
