Pabagsak na nahiga si Chino sa kaniyang kama nang makauwi na siya sa unit nila ni Lester. Oo hindi pa rin sila umaalis sa unit na iyon ng kaibigan. Kahit na may mga trabaho na sila, mas pinili nilang dalawa ang manatili sa Casa Vielle.
Pareho pa naman silang bachelor ng kaibigan. Saka isa pa, malimit din naman nilang matirahan ang condo nila, dahil may mga trabaho na rin sila ngayon. Si Lester ay kapitan na ngayon ng isang passenger ship, at every four months kung umuwi. At siya naman, sa loob ng isang buwan, masuwerte na kung manatili siya roon ng apat na araw.
Hindi pa rin mawala sa kaniyang isipan ang tagpo kanina sa ospital. Inaasahan na niya ang galit na isasalubong sa kaniya Althea, ngunit ang makita itong puno ng puot sa puso ay nakakapanghina. Gusto niyang suntukin ang kaniyang
