Nagpatuloy ako sa pagpupumiglas hanggang sa nakaladkad na ako ni Lucan pataas sa madilim na hagdan nang walang kahirap-hirap. Ngayon, amoy na amoy ko ang alak na bumabalot sa sistema niya, halatang halatang nakainom siya. Bagay na ipinagtataka ko dahil ipinagbawal iyon ngayong gabi.
Dahil sa sobrang lakas niya, walang hirap siyang naitaas ako sa second floor ng The Vieuxfount Palace at katulad ng sa hagdan ay sobrang dilim ng corridor nito. Sa magkabilang gilid ng daan ay may mga pintuan ng kuwarto.
Nang makita ko ang mga iyon, labis akong kinabahan dahil kung maipapasok ako ni Lucan sa isa sa mga silid na ito ay wala akong laban. Sobrang lakas niya, paniguradong wala siyang kahirap-hirap na magagawa ano man ang gusto niyang gawin sa akin.
'Yon ang dahilan para mas lakasan ko pa ang
