MATAPOS maligo ni Igop ay sinilip na nito si Bella sa bahay nila. Kaninang umaga lang sila naghiwalay pero heto at miss na miss na kaagad nito ang kakulitan at kaartehan ng dalaga na nakakasanayan at hinahanap-hanap na nito.
Naabutan naman nito ang amo na si Typhus. Nakaupo sa sofa na napalingon sa kanya at sinenyasang maupo sa kaharap na sofa.
"Magandang tanghali po, boss."
"Magandang tanghali din sa'yo, hijo. Maupo ka," paanyaya ni Typhus dito na pilit ngumiti at naupo sa kaharap na sofa ng amo.
"Kumusta sa rancho, hijo?"
"Uhm, maayos naman po ang mga baka at kabayo natin doon, boss. Walang nagiging problema," magalang sagot ni Igop dito.
Napatango-tango naman si Typhus na ngumiti dito.
"Ahem! That's good to hear. Anyway. . . anong plano mo sa dalaga ko, hijo?" seryosong tanong
