HBS 22
Pagkadismaya
Hindi ako palasimbang tao. Aminado akong naaalala ko lamang ang nasa taas kapag may kaylangan ako. Hindi ako banal. Sa isang taon, nabibilang sa mga daliri ko kung ilang beses lamang akong nagsimba.
Kaya hindi ko alam kung anong pumasok sa isip ko at nang madaanan ng dyip na sinasakyan ko ang simbahan ng antipolo dito rin sa rizal, bumaba ako.
Madami ang tao, bukod sa dinadayo ang simbahang ito, kaarawan din ngayon ni mama mary kaya sobra ang kumpol ng tao maging sa labas ng simbahan kahit na umuulan.
Hindi iniindang madumihan ang puting sapatos na suot ko, nagpatuloy ako sa paglalakad.
"Ate bili ka na ho, bente lang. Puting kandila para sa iyong mgg hiling at pula para sa pasasalamat,"
Matagal akong napatitig sa kandilang hawak ng bata.
