NANLAKI ang mga mata ni Bettina samantalang nakapikit naman si Raiden. Gusto sana niya itong itulak ngunit mahigpit ang hawak nito sa mukha niya. Sinubukan niyang itulak ang dibdib nito pero para lang siyang nagtutulak sa matigas na pader. Ni hindi man lang yata ito naapektuhan sa ginawa niyang pagtulak dito.
Ang masama pa nito ay parang traydor ang katawan niya dahil unti-unti na siyang natatangay sa halik ni Raiden. Hanggang sa kusa na siyang pumikit at tinugon na rin ang halik nito. Hindi na niya namamalayan ang mga nangyayari. Naramdaman na lang niyang kusang umangat ang mga paa niya kasabay nang mahigpit na pagyakap sa kanya ng binata.
Para namang nagising si Bettina nang maramdaman na sumayad ang likod niya sa malambot na kama. Kusang humiwalay ang mga labi ni Raiden sa kanya. Ngu
