Kabanata 13: Mga Anino ng Nakaraan
---
Makalipas ang ilang araw…
Tahimik ang penthouse habang nakaupo si Emma sa sofa, hawak ang isang baso ng alak. Ilang araw na rin ang lumipas mula nang huli silang nag-usap ni Chase nang hindi kailangang magpanggap. Sa harap ng ibang tao, sila ang perpektong mag-asawa—punong-puno ng tamis at lambing. Pero kapag silang dalawa na lang, bumabalik ang malamig na katahimikan.
Pinilit niyang isantabi ang bumabagabag sa kanya at tinungga ang natitirang alak. Hanggang kailan niya kakayanin ito?
Biglang tumunog ang kanyang cellphone.
"Chase calling…"
Napakurap siya bago sinagot ang tawag.
“Maghanda ka,” malamig na sabi ni Chase. “May event tayong pupuntahan mamaya. Ihanda mo ang sarili mo.”
Walang pasakalye. Walang paliwanag. Ganito na lang ba palagi?
