Ikinurap-kurap ko ang mga mata pagkatapos ng ilang minuto kong pagbabad niyon sa tubig. Tumayo ako nang tuwid mula sa pagkakayuko sa sink at hinaplos ko ng palad ang basang mukha.
Sakto naman na may nagsalita sa likuran ko na muntik ko ng ikatalon sa gulat.
“Towel,” mababa ang boses na sambit ni Nolan habang iniaabot sa akin ang puting tuwalya. Walang emosyong tumingin ito sa akin at ilang sandaling tinitigan ang mata ko pagkatapos ay lumabas na ito sa kusina.
Sinundan ko siya ng tingin hanggang tuluyan makalabas pagkatapos ay marahan kong idinampi ang tuwalya sa mukha ko habang inililibot ang mata sa paligid.
Napangiti ako nang tuluyang mapagmasdan ang lugar. Mula sa malaking bintana ay tanaw ko ang malawak na agricultural surrounding. May mga punong kahoy din sa ‘di kalayuan. The
