NANININGKIT ang mga mata ni Lucian na ilang sandaling nakipagtagisan ng tingin sa ama.
Kung hindi lang niya iniisip na mas mapapahamak si Zia, malamang ay kanina niya pa dinaluhong ang ama, sa labis na galit na kanyang nararamdaman nang mga oras na iyon.
Tila naman hindi inalintanan ni Lucifer ang nasasalaming poot sa mga mata ng anak. "Pumapayag ka ba?" Tila may halo pang pang-aasar, na tanong pa nito maya-maya.
She loves you. Be wise. Stay calm. Your anger will not help you, at this point.
Matalim pa rin ang mga mata na sandali siyang sumulyap kay Lucid nang marinig ang tinig nito. Sigurado siya, na ito at hindi si Lucero ang kumausap sa kanya.
At sigurado siya na hindi iyon naririnig ng kanilang ama. Kung titingnan si Lucid ay tila wala itong pakialam sa nagaganap na usapan, sa pag
