"I, AND my brothers were here, for a reason." Panimula ni Lucian.
Nakaupo siya sa gilid ng kama, sa tabi ng nobya. Naka-angat ang mga tuhod niya na pinapatungan ng nakalaylay niyang mga braso.
Nakatagilid naman ng higa si Zia paharap dito na nababalutan ng makapal na comforter. Nasa ilalim ng kanyang pisngi ang magkapatong na mga palad niya, habang kipit doon ang dulo ng comforter.
Nang hindi kumibo ang dalaga ay muling nagpatuloy si Lucian. "Alam mo naman kung saan kami nagmula, hindi ba?" Wika nitong muli na ang mga mata ay nakatutok sa pader ng kanyang silid. "Kung sino ang ama namin?"
Wala sa loob na marahang tumango si Zia.
Nagpakawala si Lucian ng matabang na ngiti at saka nagyuko ng ulo. "Aware ka, na isa sa aming tatlong magkakapatid ang maaaring pumalit kay Ama, bilang hari,
