Chapter 33
HAJIE: PINAGPAPAWISAN tuloy ako nang kay aga-aga. Hindi naman kami bastos para magtaboy ng bisita, lalo na't matagal na naming kakilala si Karen. Nakakailang man sa akin dahil ramdam kong hindi nila gusto ni JM ang isa't-isa, pilit akong umaktong normal at binabalanse ang lahat. “Hindi ba't graduating ka na ngayong taon, Jay?” tanong ni Karen na katulad namin ni JM, nagkakape din. Tumango ako na tipid na ngumiti. “Oo, graduating na. Ikaw, magkasabay lang tayo a. Graduating ka na din ba?” balik tanong ko dito na mapait na napangiti. “Hindi e. Ano, uhm, huminto ako. Hanggang second year lang kinaya nila nanay e.” Sagot nito na kita sa mukhang nahihiya siya. Napalingon ako sa mahal ko at katabi ko lang ito. Akala ko ay ngingisian niya si Karen na marinig na hindi pa ito nakakapagtapo
- Writer
