3RD PERSON POV
NAGISING si Tristan na tagaktakan ang kanyang pawis, nanlalamig ang kanyang pakiramdam at sobrang sakit ng kanyang ulo.
"Medyo matagal na rin ng mapanaginipan ko ang tungkol sa nakaraan, aray! A-Ang sakit sobra ng ulo ko," nahihirapang aniya, habang nakasapo ang kamay sa kanyang sintido.
Nahihirapan man pero pinilit niyang imulat ang mga mata, parang sinasakal din ang kanyang pakiramdaman dahil sa madilim ng paligid at nakakabinging katahimikan.
"C-Cleo," bulong niya, kahit masakit ang tuyo niyang lalamunan. Gustong-gusto na niyang makita ito, nagsisisi siya sa ginawa lalo na nang maalala ang sabi niya noon dito.
Ipinangako niyang hindi niya ito iiwan at hindi na niya hahayaan na malungkot pa ito, pero hanggang sa huli sarili lamang niya ang kanyang inisip. Hindi n
