3RD PERSON POV
Isang linggo, matapos makauwi ni Tristan sa bahay nila ni Cleo. Bumalik na sa maayos at tahimik ang kanilang buhay, salamat sa Dyos sapagkat nagtuloy-tuloy na rin ang kanyang pagrecover. Maraming naiwan na pilat at bakas ang mga sugat na kanyang natamo, pero wala ang mga iyon sa sayang nararamdaman niya sapagkat alam niyang malaya na siya. Wala na ang takot na laging naroon sa kanyang kalooban noon.
At dahil medyo naiinip na din siya sa bahay ay naisipan nila ni Cleo na lumabas muna at magdate.
"Trix, saan tayo pupunta?" sabik na tanong niya, habang seryosong nagmamaneho sa kanyang tabi si Cleo.
Narito sila sa sasakyang ngayon patungo sa lugar na hindi niya alam, kagagaling lamang nila sa simbahan kung saan ay buong puso siyang nagdasal at nagpasalamat sa Dyos sapagkat
