Ang Salaysay ni Lolong
“Ilang dekada na rin ang lumipas nang una akong pumasok sa serbisyo bilang isa sa mga matalik na bodyguard ng unang Hari ng Dagat Ayisa, ang ama ng Haring Dagat natin ngayon.
“Dahil ako’y bagito, ako rin ang napusuang balagoongin sa trabaho ng aking mga kapuwa bodyguard. Sa katunayan ay kasabayan ko lamang na pumasok sa serbisyo ang ngayong majority floorleader na si Konsehal Pabebe, na nagsimula ring bodyguard tulad ko. Ang hepe namin noon ay ang ngayong minority floorleader na si Konsehal Lumot. Colonel na ang ranggo niya noong pinamunuan niya kami. Kung gaano naging mabagal ang pag-angat sa posisyon ni Konsehal Lumot ay ganoon naman ang bulusok papaitaas ng naging katungkulan ni Konsehal Pabebe.”
Di-malutangan ng bula ang katahimikan ng dalawang batang tagapaki
