"That girl wearing a pale yellow dress is my soon-to-be-bride," dinig ko pang saad ni Drew dahilan para lalong kumalabog ang dibdib ko. Si Marco naman ay natigilan, binitiwan niya ang mouse at napakuyom ang kanang kamao. Tumayo siya at nilapitan sina Tin at Jinky.
Nilapag ko sa mesa ang hawak kong cellphone at tumayo na rin kahit kumakalabog pa ang dibdib ko. Nakatingin sa akin si Drew, nakangiti saka kumaway.
"Kilala mo siya, Ate Rosel?" galit na tanong ni Marco habang nakaturo kay Drew. "Upakan ko na ba?"
"Marco naman," saway ni Jinky. "Umayos ka nga. Bisita siya ni ate."
Nakatingin lang ako kay Drew at hindi ko alam kung paano magpapaliwanag sa tatlo kong kasama rito sa shop. Natutuliro ako sa mga titig ni Drew. Tutok na tutok ang paningin niya sa akin na waring kaming dalawa lang
