Ganoon talaga siguro kapag in love ang isang tao, nagagawa ang imposible. Isang linggo kasi ang dumaan at naayos ko ang lahat ng dapat ayusin sa pagtatayo ng isang boutique. Wala na kasi ako naging problema sa city hall dahil doon mismo nagtatrabaho ang may-ari ng stall at tinulungan niya ako simula sa pagkuha ng business license hanggang sa pagpaparehistro sa DTI.
Wala naman akong naging prolema sa mga kooperatiba sa probinsya dahil willing silang maging supplier ko ng mga locally made bags lalo pa ngayon na medyo humina ang buyer nila mula sa ibang bansa. Sinamantala ko iyon dahil bukod sa magaganda at may kalidad ang mga gawa nila ay isa rin itong paraan para i-promote ang sariling gawa natin. Isa pa ay alam kong kayang-kaya ng ordinaryong mamamayan na bumili ng bag dahil malaki ang d
