Kabanata 86
HABANG nag-uusap pa sina Homer at Alleyah ay dumating na ang kanyang mommy at daddy. Kagagaling lang ng mga ito sa isang meeting kaya hindi ang kanyang daddy ang sumundo sa kanya. Ang kanyang Mommy Rosette naman ay ito ang pumalit sa kanyang trabaho.
“Kumusta itong apo namin, ha?” lumapit ang dalawa. Inakay ng kayang daddy si Gregory at hinalik-halikan ng mga ito.
“Mabuti naman at pumayag ka sa gusto naming mangyari Homer. Kung ibubuhos mo lang lahat ang atensyon sa paghihintay ay paniguradong mahahati ang utak mo. Mas mahalagang bigyan mo ng buong pansin ang anak mong si Gregory. Higit na mas kailangan ka niya,” wika ng ina.
“Iyon din ang aking napagtanto, My. Kaya bumalik kami rito for good dahil alam kong mas maalagaan dito ng maayos si Greg.”
“Mabuti naman,” ani ng ina
