Halos isang oras na ang lumipas. Nakadalawang baso na ng Diet Coke si Arth ngunit wala pa rin si Yvionna. Napabuntong hininga siya at ibinaling na lamang ang tingin sa labas ng bintana. Nangulimlim bigla ang mukha habang pilit na nililibang at binubusog ang sarili sa mga sasakyan na nakikitang dumaraan. Tiningnan niyang muli ang suot niyang relo.
Kung gaano karami ang sasakyan na nakikita niya sa labas ay siyang liit naman ng tyansa na sumipot pa si Yvionna.
Mukhang hindi na siya darating.
Mapait na sabi ni Arth sa sarili kasabay ang pagsilay ng mapait na ngiti. Ganoon pala kasakit ang umasa.
Kung anu-ano na tuloy ang pumapasok sa isipan ni Arth. Kesyo hindi tumuloy ai Yvionna dahil sa matindi pa ring takot na idinulot niya matapos ng huli nilang pagkikita.
Dahan- dahan nang tumayo
