CHAPTER 60
Isang linggo na ang lumipas simula nung mangyari ang pagbubugbog sa aming dalawa ni Saddie.
Isang linggo rin siyang nanatili sa ospital bago ito nakalabas. Nagpapagaling pa rin siya hanggang ngayon. Pero kahit ata mawala at maghilom na ang mga pasa niya ang trauma na naranasan nito nung araw na iyon ay hindi maghihilom. Mananatili iyong bangungot sa mga buhay namin. Lalo na at dahil doon nakunan ako at nawala ang magiging anak sana naming dalawa ni Isidro.
Pinakulong na namin ang lalaki at naging mas mabilis ang proseso dahil maraming ebedinsyang pinakita. Hindi lang pala kami ang naging biktima niya. Marami siyang biktima ngunit wala silang lakas ng loob na bumoses dahil sa takot nila. Lahat pala ng naging girlfriend niya ay nakaranas ng mga pananakit. At nang malaman nila
